Um okkur

GÞ Verktakar

GÞ Verktakar var stofnað árið 2023 af Gunnari Þórarinssyni. Upphafið var einfalt – að slá gras fyrir nokkur húsfélög í nágrenninu. Fyrsta árið vorum við þegar komin með um 30 húsfélög á listann okkar og fljótt kom í ljós að þörfinn fyrir áreiðanlega og sveigjanlega þjónustu á þessu sviði var mikil.

Frá þeim tíma höfum við vaxið jafnt og þétt. Árið 2025 þjónustum við um 70 húsfélög með reglulegri garðslætti, sem er enn stór hluti af okkar starfsemi. En við höfum líka þróast áfram og orðið meira en bara þjónustuaðili á sumrin.

Árið 2024 bættum við snjómokstri við þjónustuframboðið, og þegar hafa nokkur húsfélög nýtt sér þá þjónustu. Við lítum á það sem eðlilegt næsta skref – við viljum geta staðið við bakið á viðskiptavinum okkar allt árið, bæði á sumri og vetri.

Á síðasta ári tókum við einnig að okkur verkefni fyrir Vegagerðina og sveitarfélög, þar sem við settum upp og gerðum við girðingar meðfram vegum og opinberum svæðum. Við erum stolt af þessum verkefnum og hlökkum til að sinna fleirum af þessu tagi í framtíðinni.

Hjá GÞ Verktökum leggjum við áherslu á gæði, áreiðanleika og góð samskipti við viðskiptavini. Við vitum að bæði húsfélög og opinberir aðilar þurfa samstarfsaðila sem hægt er að treysta á – einhvern sem mætir á réttum tíma, vinnur verkið vel og finnur lausnir sem henta hverjum og einum.

Með dugnaði og skýrri framtíðarsýn horfum við björtum augum til framtíðar. Við hlökkum til að halda áfram að vaxa, bæta við þjónustuna okkar og styðja bæði einstaklinga, húsfélög og opinbera aðila í því sem þarf að gera.